Krishtianu Ronaldu “Yuventus”da tarixiy rekord qayd etdi

“Yuventus” hujumchisi Krishtianu Ronaldu Yevropa Chempionlar Ligasi 1/8 final javob bahsi doirasida “Lion”ga qarshi kechgan o‘yinda (2:1) dublga erishdi — deb bu haqda «Daryo» nashri  xabar beradi.    

Foto: Goal

35 yoshli portugaliyalik futbolchi mavsum davomida 37 ta gol urdi va bu borada klub rekordini o‘rnatdi. Unga qadar turinliklarning hech qaysi futbolchisi bir mavsum davomida bu qadar ko‘p gol urmagandi.

Avvalgi rekord 95 yildan buyon yangilanmay kelayotgandi. Ferens Xirtser 1925/26-yilgi mavsumda 35 ta gol urgandi.

Ronaldu Chempionlar Ligasidagi gollari sonini 130 taga yetkazib oldi va bu borada yetakchi bo‘lib turibdi.