Бурч (болалар учун шеър)

Бувижоним уйлари,
Сувоғи сал кўчганди.
Сал-пал оқланганлари,
Тамомила ўчганди.

Дўстим билан иккимиз,
Уйни суваб, оқладик.
Айниқса, сувоқни биз,
Жуда-жуда бопладик.

Бизнинг бажарган ишдан,
Бувим хурсанд эдилар.
Иккимизга мехрдан,
«Барака топ» дедилар.

Бувимнинг мақтовидан,
Иккимиз сал қизардик.
Фарзанд бурчин юракдан,
Қойил қилиб бажардик.

Абдулла Пулатов

Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.

«Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.

© МУАЛЛИФ