Салом божа, қалайсиз,
Нега мўйлов силайсиз?
Айтганча, мўйлов ошни,
Осмасдан қовоқ-қошни,
Қилиб берсангиз тезроқ,
Озидан кўпи созроқ.
Шарт эмас, хозир аммо,
Буни қилмай муаммо,
Таваллуд айём билан,
Қутлашни қилиб «план»,
Бугун борсак бостириб,
Ошни дамланг қотириб,
Қўй ёғига ботириб,
Гурунглашиб ўтириб,
«Божа-божа» айтамиз, (қўшиқни)
Сўнгра ортга қайтамиз!…
Божа кўрса божани,
Сал қичиркан бадани.
«Аллергия» бўларкан,
(Бир ичмаса ўларкан).
Бошланиб улфатчилик,
Дастурхон чилик-чилик,
Хамма нарса тўкилган,
Кўп ичиилган, бўкилган.
Кўпайиб кетиб кейин,
Вазият бўлди қийин.
«…Гапинг йўқми ёки бор!»,
Бошланиб кетди «разборь».
Кетди хурмат ўртадан,
Тиклаб бўлмас қайтадан.
Сўнг қизариб юзлари,
Ер чизади кўзлари.
Шартмиди шундай ичиш?,
Хаммага бўлиб ташвиш.
Сал йўқолди халоват,
Ўтган ишга саловат.
Сизни қутлаймиз бугун,
Муборак туғилган кун!…
Божа келдик, мехмонга,
Энди ўхшаб мезбонга,
Муносиб кутиб олинг,
Фартукни тақиб олинг!
Ўзингиз палов дамлаб,
(Қўйган бўлсангиз «ғамлаб»),
Яхши хизмат кўрсатинг,
Хаммасини ўхшатинг!
Келибмиз озиб-ёзиб,
Хизматлар «All inclusive»!
Биз хам хизматда бугун,
Муборак таваллуд кун!…
Божам уйида бугун,
Хаммаёқ сарпо, тугун.
Тўйнинг харакати зўр,
(Ишонмасанг келиб кўр).
Турнақатор мехмонлар,
Божам ўзи мезбонлар.
Икки тадбир бир бутун,
Хам тўй, хам туғилган кун.
Чўнтаклар тўлган пулга,
Божам кўз тикар йўлга.
(Хохламаса хам ўзи,
Қўлга қарайди кўзи).
Илжайиб, кулар нуқул,
(Сабаб, чўнтакдаги пул!).
Битта уйда бизлар хам,
Паловни кўриб бахам,
Хеч нарсадан бўлмай кам,
Мехмон бўлдик ростдан хам.
Бизники уйнинг тўри,
Хаммасидан хам зўри,
Ўтганги иш бўлмади,
«Мехмон» келиб қолмади.
(Ўтган гал «мехмон» келиб,
Ошимиз кетди қолиб!).
Божанинг кайфи тарақ,
Туғилган кун муборак!…
Ўзгача кундир бугун,
Божамда туғилган кун.
Ваъдалар жуда катта,
(Бажарилса, албатта!).
Кўксига қўлин қўйиб,
Деди: «Кутай. қўй сўйиб!».
Ўзим кутиб оламан,
Поёндозлар соламан.
Умидни қилиб катта,
Уйига бордик шартта.
Ваъдасини бажариб,
Қўй сўйди, енг шимариб.
Ўша куни маишат,
Бўлди жуда хам «дахшат»!
«Ичак шавла», сўнг «хасип»,
Бизларга қилди насиб!
Майли, шукур шунга хам.
Таваллуд қутлуғ, божам!…
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
