Ёмғир суви тарновдан,
Тушар асфальт йўлакка.
Зарб-ла урилиб бирдан,
Ажраб кетар бўлакка.
Томчилар дер йўлакка:
-«Бизни дема кичкина,
Оғир олма юракка,
Шикастласак — озгина!».
Бир пайт йўлак «бахти»га,
Тарқади қора булут.
Қуёш чиқиб «тахти»га,
Ва ёмғир бўлди унут!…
Абдулла Пулатов
Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
«Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
