«Агар шеър тугаб қолса…» (шеър)

Шеър ёзишга ўтирсам, қўлда қалам,
Савол бериб қолди, жажжи набирам.

-«Бобо, шеърларингиз, тугаб қолсачи,
Ана унда сизга қийин бўлсачи?».

-«Болажоним, асло бўлмайди ундай,
Бу саволнинг, жавоби эса шундай:

Давом этар экан, хаёт оламда,
Юрак уриб турса. хар бир одамда,

Хар юракда «дард» бўлади — «пинхона»,
Ўша «дард»га, шоир бўлиб «парвона»,

Сабр билан, уни зимдан «пойлайди»,
Сатрларга, мисраларга жойлайди.

Бир сўз билан, кўз илғамас дардлардан,
«Бино» қурар, фойдаланиб харфлардан.

Лекин ўша бинонинг борми завқи?,
Буни айтмоқ — мухлисларнинг хуқуқи!…».

Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.

«Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.

© МУАЛЛИФ