Kechki dasturxon uchun ajoyib yechim. Tayyorlab ko‘ring, barcha oila a’zolariga manzur kelishi shubhasiz — deb bu haqda «Daryo» nashri xabar beradi.
Foto: Lifehacker
Kerakli mahsulotlar:
- Mol go‘shti − 600-700 gramm;
- Sabzi − 1 dona;
- Piyoz − 2-3 dona;
- O‘simlik yog‘i − 1-2 osh qoshiq;
- Yog‘li qaymoq − 200 ml;
- Un − 1 choy qoshiq;
- Xantal − 2 choy qoshiq;
- Tuz va ziravorlar.
Tayyorlash jarayoni:
- Go‘sht mayda bo‘laklarga bo‘linadi. Sabzi va piyoz parrak qilib to‘g‘raladi.
- Barchasi idishga solinib, yog‘ bilan aralashtiriladi.
- Idishning ichiga o‘simlik yog‘i surtib, aralashma solinadi va idish qopqog‘i yopiladi. Pechga 180 darajaga 2 soatga qo‘yiladi.
- Qaymoqqa un, xantal, tuz va ziravorlar solib, aralashtiriladi.
- Pechda pishayotgan aralashma olinadi va ustidan qaymoqli sous quyiladi. Yana yarim soatga pechga qo‘yiladi.
- Taom tayyor bo‘lgach ko‘katlar bilan bezatish mumkin.
Yoqimli ishtaha!
