Учрашдилар ногахон бугун,
Қўлда портфель, бирида тугун.
Бир-бирига қарашди зимдан,
Уялгандай худди бир кимдан.
Бир-бирига дардларин сўзлар,
Фақат кўзлар, ха, фақат кўзлар!…
***
Дуч келдилар бугун бир бора,
Қўлларида эса — набира,
Зимдан қараб бир-бирларига,
Ва кетдилар манзилларига!…
***
Учрашдилар бугун хам қаранг,
Икковлари юришар аранг.
Қўлларда йўқ, арзирли нарса,
Фақатгина — биттадан хасса!…
***
Қизиқ экан, тақдири азал,
Ёнма-ёндир — хаёт ва ажал.
Учрашдилар охирги дафъа,
«Учрашув»да сўнгги сахифа.
Бири жонсиз, бири сукутда,
Бири «саф»да. бири тобутда.
Жонсиз таъна — кетди қабрга,
Хотиралар — у билан бирга!…
Абдулла Пулатов
Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
«Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ