Лампочка ёрқин нур сочарди,
Нуридан қоронғу қочарди.
Тутундан қорайиб ғоятда,
Бир чироқ турарди — бир четда.
Лампочка менсимай дер унга,
-«Тенг кела олмайсан, сен менга.
Пилигу — керосин ўтининг,
Нурингдан кўпроқдир — тутунинг!».
Чироқ дер: -«Дилозор бўлмагин,
Ўзингни юқори билмагин.
Бобонгман, сен эса — набирам,
Димоғдор бўлибсан, сен бирам!».
Лекин у тугатмай сўзини,
Лампочка қорайтиб — юзини,
«Чирс» этиб, толаси узилди,
Ўрнига бошқасин қўйилди!…
Абдулла Пулатов
Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
«Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ