Yangi yil dasturxoni uchun bayramona “sovg‘a” salatini tayyorlaymiz

“Sovg‘a” salati o‘zida tovuq, kartoshka, pishloq, piyoz hamda tuxumning ajoyib uyg‘unlashgan ta’mini mujassam etadi  — deb bu haqda «Daryo» nashri  xabar beradi.    

Foto: Lifehacker

Kerakli mahsulotlar:

  • Tovuq soni − 2 dona;
  • Kartoshka − 3 dona;
  • Tuxum − 4 dona;
  • Piyoz − 1 dona;
  • Bodring − 1 dona;
  • Pishloq − 150-200 gramm;
  • Ko‘kat va mayonez.

Tayyorlanish jarayoni:

  1. Tovuq go‘shti, kartoshka va tuxum qaynatib olinadi;
  2. Piyoz mayda to‘g‘raladi. Tovuq go‘shti biroz kattaroq bo‘laklarga bo‘linadi. Pishloq, kartoshka va tuxum oqi va sarig‘i alohida qirg‘ichdan o‘tkaziladi;
  3. Maxsus idishga tovuq, piyoz, kartoshka, tuxum sarig‘i va pishloq qatlam qilib joylashtiriladi. Shuningdek, piyozdan tashqari har bir qatlam yuzasiga mayonez suriladi. Eng ustki qatlamga esa tuxumning oqi sepiladi;
  4. Mahsulotlarni qatlam qilib joylashtirayotganda ularni to‘rtburchak shaklda bo‘lishiga e’tibor berish lozim;
  5. Tayyor bo‘lgan salat 1-2 soat davomida muzlatkichda qoldiriladi;
  6. Bodring juda yupqa shaklda kesib olinadi. Buning uchun qirg‘ich yoki sabzavot tozalovchi vositadan foydalanish mumkin. So‘ngra bodring lentalari to‘rtburchak shakldagi salat ustiga qo‘yiladi va ko‘katlar bilan bezak beriladi.

Yoqimli ishtaha!