Жажжи қўлларини болакай,
Қўйиб бирдан, каттакон қўлга,
Ота кафтин, чим-чилаб атай,
Сўнгра уни, тутди саволга:
-«Катта бўлар, қачон қўлларим?,
Қачон мен хам, сизга етаман?
Туташади, қачон йўлларим?
Қачон балоғатга етаман?».
Ота кулди, махзун ва ўйчан,
Фарзандига деди, термулиб:
-«Сабр қилсанг, албат етасан,
Қўл силкийман, ортингда қолиб!».
-«Йўқ, отажон, қолмайсиз ортда,
Ўзгармайди қалбдаги мехрим,
Сизни тутиб мана шу кафтда,
Эъзозлагум борича умрим!…».
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ