Xushbo‘y hidga ega iliq kokteyl sut mahsulotlari yordamida tayyorlanadi.
Foto: Lifehacker
— Манба: «Daryo» nashri.
Kerakli mahsulotlar:
- quyultirilgan sut – 400 gramm;
- qaymoq (20 foizli yog‘) – 500 ml;
- sut – 350 ml;
- qaymoq (33 foizli yog‘) –250 ml;
- shakar upasi – 1 osh qoshiq;
- vanil – 1 dona;
- vanilin –1/2 choy qoshiq.
Tayyorlanish jarayoni:
- Quyultirilgan sut, 20 foizli qaymoq va sut idishga solinadi.
- Vanil po‘stidan uzunasiga kesib olinadi va urug‘laridan tozalanadi. So‘ngra sutli aralashmaga solinadi.
- Aralashma o‘rtacha olovda qaynatiladi va sovutishga qo‘yiladi.
- Bu vaqtda 33 foizli qaymoq mikser bilan aralashtiriladi. Yanada quyuqlashgach, shakar upasi hamda vanilin qo‘shiladi. Mikser bilan aralashtirishda davom etiladi.
- Sutli aralashma stakanlarga quyiladi, ustidan ko‘pirtirilgan qaymoq quyiladi. Ichimlik iliq holida dasturxonga tortiladi.
Yoqimli ishtaha!
