-Нега, ахир онажон,
Экинни қилиб пайхон,
Бормоқдамиз даладан,
Қуриб қолдик — нимадан?
-Болам, сен кўп сўйлама,
Хеч нотўғри ўйлама.
Чунки келганча қўлдан,
Боряпмиз қисқа йўлдан,
-Эгаси кўрса аммо,
Бўлса керак — муаммо?
-Буёғин, ўйлама хеч,
Базмга — қолмайлик кеч!….
-Бақраймасанг намунча,
Турқинг хам совуқ бунча.
Ойнада кўрсанг ўзинг,
Буришиб кетар юзинг.
-Қандай ният — кўнглингда,
Узун таёқ — қўлингда,
Шундай бўлгач, мен ахир,
Кўрсатаманда — қахр!…
-Секинроқ уч, хой укам,
Тушиб қолмасин ўпкам!
-Майли, учавер секин,
Овчилар — пастда лекин.
Агар ногох адашиб,
Дайди ўқ қилса насиб,
Шунда ўпкангга қўшиб,
Ўзинг қоласан — тушиб!…
Бароридан келибди овинг,
Эхтиёт бўл, сени кўп ёвинг.
Тортиб олса, ўлжангни ногох,
Шунга сени — қиляпман огох.
Жон куйдириб, гапирдим шунча,
Нега жавоб бермайсан бунча?
Ха, тушундим, «Крилов» масали,
Хотирангдан чиқмаган хали!…
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
