Hind aktyor va aktrisalari chindan ham serqirra ijodkor: rol ijro etadi, raqsga tushadi va hatto qo‘shiq ham kuylaydi. Xo‘sh, Bollivudning qaysi yulduzlari filmlar uchun qo‘shiq kuylagan?
Shradxa Kapur
Foto: “Yandeks Dzen”
Ma’lum bo‘lishicha, yosh aktrisa nafaqat mahorat bilan rol ijro etadi, balki shirali ovozga ham ega. Shradxa bir necha filmlarda kompozitsiyalar ijro etgan — deb bu haqda «Daryo» nashri xabar beradi.
Ayushmann Xurana
Foto: “Yandeks Dzen”
Ayushmanning karyerasida 20 ga yaqin loyiha mavjud. Bundan tashqari u turli teledasturlarda ham ishtirok etadi. Shuningdek, uning vokal qobiliyati ham muxlislari tomonidan alohida ta’kidlangan.
Aliya Bxatt
Foto: Pinterest
Hind kino olamida porlab kelayotgan yangi yulduzning ham bir nechta treklari mavjud.
Priyanka Chopra
Foto: YouTube
Priyanka nafaqat Amerika kinematografiyasini, balki musiqa sanoatini ham zabt etmoqda. Aktrisaning ta’kidlashicha, musiqaga muhabbat uning otasidan o‘tgan.
Shruti Xasan
Foto: “Yandeks Dzen”
Janubiy hind kino yulduzi vokalga jiddiyroq e’tibor beradi. U Kaliforniya musiqa universitetida o‘qigan. Hindistonga qaytib kelgach, o‘z guruhini tuzgan.
Salmon Xon
Foto: “Yandeks Dzen”
Bollivudning eng taniqli aktyori juda yoqimli ovozga ega ekanini tan olish kerak. Uning ijrosidagi bir nechta qo‘shiq allaqachon ommalashib ulgurgan.