Соус қўшиб пиширилган филенинг таъми, баланд ҳароратда эриган пишлоқ билан янада мазали бўлади
Фото: Lifehacker
— Манба: «Daryo» нашри.
Керакли маҳсулотлар:
- товуқ филеси — 800 г;
- тухум — 2 дона;
- пишлоқ (пармезан) — 75 г;
- нон талқони — 75 г;
- туз;
- зайтун ёғи — 3 ош қошиқ;
- саримсоқ пиёз — 2 дона;
- ўзининг сокида пишган помидор — 350 г;
- шакар кукуни — 1 ош қошиқ;
- моцарелла — 65 г.
Тайёрланиш жараёни:
- Филени ўртасидан бўлиб, туз сепинг.
- Тухум чақинг, қирғичдан чиқарилган пармезаннинг ярмини нон талқони билан аралаштиринг.
- Филени биринчи чақилган тухумга, кейин эса нон талқонига ботиринг.
- Ёғ солинган товада товуқ бўлакларини ҳар икки тарафини 4-5 дақиқадан қовуриб олинг.
- Саримсоқ ва помидорни майдаланг.
- Қолган ёғда майдаланган саримсоқни қовуриб устидан помидор, туз ва шакар кукуни қўшинг, 5-10 дақиқа димлаб пиширинг.
- Печга қўйиш мумкин бўлган чуқурроқ идишга томат соуси солинг, устидан филени қўйинг.
- Моцарелла солинг, қолган пармезанни сепиб чиқинг.
- 220 даража қизиган печда 5-10 дақиқа давомида пишириб олинг.
- Гарнир сифатида печда пиширилган картошка ёки сабзавотлардан фойдаланиш тавсия қилинади.
Ёқимли иштаҳа!
