АЙИҚЧАЛАР ОЛИШУВИ:
-«Кўрдингми, мен кучлиман, ростдан!»
-«Ха, ярамас, туртдинг бехосдан!
Ғирром қилиб ютасан, доим,
Айтиб берай, келганда ойим!…»
ТУСТОВУҚНИНГ ГЎЗАЛЛИГИ:
-«Қандай гўзал, патларинг, қойил!
Гўзаллигинг — тахсинга мойил!».
-«Ёққан бўлса, томоша «текин»,
Оёғимга қарама, лекин!…»
КАРВОН КЎРДИМ:
-«Карвон кўрдим, туялари бўзлаб келар,
Тақир чўлда, улар нени излаб келар?
Қум бўрони — қийнагани эсдан чиқиб,
Балким улар, хазинани кўзлаб келар?»
ТЎТИҚУШ:
-Гап қайтарма, хой одобсиз қуш!
-«Бежиз эмас, исмим — тўтиқуш!
Сен чидашга мажбурсан, бир оз,
«Гап қайтариб», топганман эъзоз!
НАВБАТ ЎТЛАШГА:
-«Хўш энди, онажон, навбат нимага?
Шуни ўйлаб, сўнгра — айтсак хаммага…!»
Болажоним энди — навбат ўтлашга,
Чунки биз, маъсулмиз, ушбу юмушга!»
УНУТМА:
-«Нимани кўряпсан, мўралаб қани?»
-«Тушликка — нима бор, ахир егани?».
-«Бекорчисан бугун,тушликни кутма!»
-«Қуруқ қоп тик турмас, буни унутма?»
ҚОРОВУЛЛАР АЛМАШИНУВИ:
-«Бўлмасмиди, вақтида келсанг?»
-«Қуролимни қидирдим, билсанг!»
-«Овсар, қушда қурол не қилур?»
-«Ахир, бир оз ёлғон хам зарур!»
ОҚ АЙИҚҚА АЧИНИБ:
-«Ачиниб кетяпман, шундай совуқда…!
Совуқ қотганингда, «печка» қаёқда?».
-«Бас қил ачинмоқни, жўна изингга,
Йўқса ачинишар, сени ўзингга!
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ