Икки маймун асфальтда,
Тобланарди офтобда:
-«Турибмиз — асфальт йўлда,
Транспорт ўтар бунда.
Кел, асфальтни бўшатиб,
Турайлик, четга ўтиб!».
-«Бундай гапни қўйсангчи,
Ўзинг ўйлаб кўрсангчи?
Машина уриб кетса,
Касалхонага элтса,
Кейин уни «соғамиз»,
Бўлар — «хомий» оғамиз!».
-«Борми сени виждонинг,
Қайда қолди имонинг?
Гапларинг тузсиз, тахир,
Хатто, эшитиш оғир.
Шунча айбларинг туриб,
Ер турибди кўтариб!
…Сен нафсинга — бўл банди,
Йўлимиз — айро энди!…»
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ