ЮРАР ЭМИШ:
-«Эшитдингми янгиликни?» — «Яна қанақа?»,
-«Қўшни тўти юрар эмиш, ушлайсан ёқа!».
-«Ахмоқ экан, ким қўйибди — «юриш»ни қушга,
Қанот бўлгач, харакат қил, фақат учишга!…»
ЎЗИНГИЗ «РИЗҚ» БЎЛМАНГ:
-«Нима қиляпсизлар, қўниб бу ерга?»
-«Ризқимиз теряпмиз, хаммамиз бирга!»
-«Эхтиёт бўлинглар, хавф-хатар яқин,
Ўзингиз бошқага — «ризқ» бўлманг, тағин!…»
КРИЛОВНИНГ МАСАЛИ:
Дарахт тепасига, қараб тулкивой,
Бир нима ёдига тушди хойна-хой:
-«Хаёлинга келди кимнинг ғазали?»
-«Ғазал эмас, Криловнинг масали!…»
ЦИРК АРТИСТИ БЎЛАМАН:
-«Нима қилаяпсан, тентакка ўхшаб?
Ёғочдан-ёғочга сакрайсан қақшаб?»,
-«Кўрсатиб қўяман, сенгларга ўша…,
Цирк артисти бўлиб, бериб томоша…!»
ҚИТИҒИМ БОР:
-«Қўлингни ол, ярамас тезроқ,
Қитиғим бор, бўйнимда озроқ.
Тишлаб олсам қўлинг, ўчашиб,
Қирқта укол — қилади насиб!…»
АҚЛЛИ ОЛМАХОН:
-«Хой, олмахон, ақлингни ишлат,
Сен ёнғоқни — бошқага тишлат!»
Ёнғоғини инига қўйиб,
Сўнг гапирди — олмахон кулиб:
-«Аврамоқчи бўлдингу, лекин,
Бериб бўпман, ёнғоқни текин!,
Сен ўқиган китобни — ишон,
Ёзган эдим, мен аллақачон!»
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ