QАNDАY JАRIMА TOʼLАYMIZ?:
-«Qiziqdingmi yangilikga?» — «Nimaga?»,
-«Svetofor qoʼyishibdi — tuyaga!».
-«Nima qibdi? Bunga xursand boʼlaylik,
Demak tuya — insonlarga qulaylik!».
-«Mayliku-ya, oʼrganib xam qolarmiz,
Lekin qanday — biz, jarima toʼlaymiz?…»
ORTDА QOLMА:
«Ortda qolma, yetib ol,
Oʼzib xam ket — bemalol!».
-«Etolmasam — ne boʼlar?»
-«Etib olar — ovchilar!»
MEN EMАSMАN ZOLUShKА:
-«Mana bu qovoq — senga!»
-«Nega u kerak — menga?».
-«Sen qorongʼu tushgan dam,
«Feya»dan soʼra yordam.
Sexrli tayoqda u,
Moʼʼjiza yaratar-ku!…
Egningda — goʼzal libos,
Qovoq oʼrnida — izvosh!».
-«Kechirasan, sen uka,
Men emasman — Zolushka!…»
SUVDАGI YONGʼIN:
-«Xoxlagancha suz, mana,
Choʼkib ketmagin yana.
Lekin chekma — suzganda,
Qolib ketma — yongʼinda!…»
-«Toming ketib qolganmi?
Xech zamon — suv yonganmi?».
-«Tankerlar neftni tashir,
Xalokat boʼlsa, axir,
Neft qoplar suvni shunda,
Yongʼin chiqar oʼshanda!…»
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF
