Tushlik va kechki ovqat uchun ayni muddao bo‘lgan mazali taom oila a’zolaringizga yoqishi aniq.
— Manba: «Daryo» nashri.
Qovoqcha va pishloq qo‘shib tayyorlanadigan pasta
Foto: Elle
Kerakli mahsulotlar:
- spagetti xamiri;
- qovoqcha — 1-2 dona;
- suyuq pishloq.
Tayyorlanish jarayoni:
- Qaynab chiqqan tuzli suvda pastani pishirib oling.
- Somoncha shaklida to‘g‘ralgan qovoqchani sarimsoq qo‘shib qovuring.
- Pishgan xamirni qovoqchaga qo‘shib, ustiga bir-ikki qoshiq suv qo‘shing.
- Ustiga pishloq qo‘shib, yaxshilab aralashtiring.
- Dasturxonga tortishdan avval rayhon bilan bezang.
Pomidor va mollyuskadan tayyorlanadigan pasta
Foto: Elle
Kerakli mahsulotlar:
- spagetti xamiri;
- pomidor — 200 g;
- mollyuska — 500 g.
Tayyorlanish jarayoni:
- Bo‘laklarga bo‘lingan pomidorni o‘simlik yog‘i solingan tovada sarimsoq qo‘shib qovurib oling.
- Tuz, keyin esa mollyuska qo‘shing.
- Pishirib olingan xamirni tovaga qo‘shing.
- Dasturxonga tortishdan avval limon sharbati qo‘shing va ko‘katlar bilan bezang.
Baliq va pomidor qo‘shib tayyorlanadigan pasta
Foto: Elle
Kerakli mahsulotlar:
- spagetti xamiri;
- pomidor — 400 g;
- baliq (tunets yoki boshqa baliqdan ham tayyorlash mumkin).
Tayyorlanish jarayoni:
- O‘rtasidan bo‘lingan pomidorga o‘simlik yog‘i, tuz va sarimsoq qo‘shing.
- Qirg‘ichdan chiqarilgan limon po‘stini qo‘shib, 100 daraja qizigan pechda pishirib oling.
- Pishirib olingan pastaga sabzavotlarni qo‘shing.
- Baliqni ham qo‘shib aralashtiring.
- Taomni ko‘katlar bilan bezashni unutmang.
Yoqimli ishtaha!
