Xamiri yupqa va mazali hamda pishloq va ko‘kat ta’mi uyg‘unlashgan xushbo‘y yegulikni, albatta, tayyorlab ko‘ring.
— Manba: «Daryo» nashri.
Foto: Lifehacker
Kerakli mahsulotlar:
- un – 250 gramm;
- suv – 120 ml;
- o‘simlik yog‘i – 2 osh qoshiq va qovurish uchun;
- qattiq pishloq – 250 gramm;
- ko‘katlar, tuz.
Tayyorlanish jarayoni:
- Un elakdan o‘taziladi va yog‘, qaynatilgan suv, tuz qo‘shib, yumshoq xamir qoriladi. Xamir usti yopilib, 20-30 daqiqaga tindirishga qo‘yiladi.
- Pishloq qirg‘ichdan o‘tkaziladi. Ko‘katlar mayda to‘g‘ralib, pishloq bilan aralashtiriladi.
- Xamir 6-8 ta teng bo‘lakka bo‘linadi. Ular diametri 18—22 santimetr kattalikda aylana shaklida yoyiladi.
- Xamirning yarim qismiga nachinka solinib, qolgan yarim qismi ustiga qayrib yopiladi va cheti chimchilab chiqiladi.
- Xamirning qolgan qismi ham xuddi shu tarzda tayyorlanadi.
- Tovada yaxshilab qizdirilgan yog‘da yegulikning har ikki tomoni qizargunga qadar qovurib olinadi.
Yoqimli ishtaha!
