Pishloq, go‘sht, piyoz hamda qo‘ziqorin birgalikda ajoyib ta’mni hosil qilishi shubhasiz.
— Manba: «Daryo» nashri.
Foto: Lifehacker
Kerakli mahsulotlar:
- mol go‘shti – 700 gramm;
- piyoz – 1 dona;
- qo‘ziqorin – 300 gramm;
- o‘simlik yog‘i – 4 osh qoshiq;
- mayonez – 2-3 osh qoshiq;
- pishloq – 150 gramm;
- tuz va ziravorlar.
Tayyorlanish jarayoni:
- Mol go‘shti mayda, piyoz parrak, qo‘ziqorinlar esa ikkiga bo‘lib to‘g‘raladi.
- Go‘shtga tuz va ziravorlar sepiladi. 10-15 daqiqaga qoldiriladi.
- Yog‘ning yarmi tovada qizdiriladi. Go‘shtning har ikki tomoni qizarguncha qovurib olinadi.
- Keyin piyoz alohida qovurib olinadi va go‘sht, qo‘ziqorin bilan birgalikda qolipga solinadi. Ustidan mayonez quyiladi. 45-50 daqiqaga 180 daraja pechga qo‘yiladi.
- Tayyor bo‘lgach, ustidan qirg‘ichdan o‘tkazilgan pishloq sepiladi va yana 5-7 daqiqaga pechga qo‘yiladi.
Yoqimli ishtaha!
