Agar taom tayyorlashga kam vaqtingiz bo‘lsa, loviya va tushyonka qo‘shib tayyorlanadigan sho‘rva siz uchun yaxshi variant bo‘la oladi. Taomga o’zingizga yoqqan ko‘katlarni qo‘shsangiz ham bo‘ladi.
— Manba: «Daryo» nashri.
Kerakli masalliqlar:
- piyoz — 1 dona
- kartoshka — 2 dona
- sabzi — 1 dona
- tushyonka — 1 banka
- pomidor qaylasi qo‘shilgan loviya — 1 banka
- tuz — ta’bga ko‘ra
- murch — ta’bga ko‘ra
- tomat pastasi — 1 qoshiq
Tayyorlanishi:
- Piyoz va kartoshkani o‘rtacha bo‘laklarga bo‘lib, to‘g‘rab oling. Sabzini katta tishli qirg‘ichdan o‘tkazing.
- Bir osh qoshiq tushyonka yog‘ini idishga solib qizdiring. Sabzavotlarni yumshoq bo‘lgunga qadar qovuring.
- Go‘shtni kastryulkaga soling va hamma narsani yana 5 daqiqa davomida pishiring.
- Unga kartoshka, loviya, qayla, tuz, murch va, agar xohlasangiz, tomat pastasini qo‘shing. Mahsulotlarni yaxshilab aralashtiring va issiq suv soling.
- Taom qaynab chiqqanidan so‘ng, taxminan 20-25 daqiqa davomida o‘rtacha olovda pishiring.
Yoqimli ishtaha!
