Ushbu retsept asosida tayyorlanadigan bulochka mazali va yumshoq bo‘lib chiqadi. Uning ichiga shokolad, murabbo yoki o‘zingizga yoqqan boshqa mahsulotlarni qo‘shishingiz mumkin.
— Manba: «Daryo» nashri.
Xamiri uchun kerakli masalliqlar:
- qatiq — 250 ml
- shakar — 50 g
- tuz — yarim qoshiq
- tuxum — 1 dona
- sariyog‘ — 50 g
- vanilin — 1 qoshiq
- tez ta’sir qiluvchi xamirturush — 2 qoshiq
- un — 450-500 g
Bulochkaning ustiga kerak bo‘ladigan mahsulotlar:
- sariyog‘ — 40 g
- un — 80 g
- shakar — 3-4 qoshiq
- tuxum sarig‘i — 1 dona
- sut — 2-3 qoshiq
Tayyorlanishi:
- Qatiq, shakar, tuz, tuxum, eritilgan sariyog‘ va vanilinni idishga solib aralashtiring.
- Unga xamirturush qo‘shib, aralashtiring. Oz-ozdan un qo‘shing, yumshoq va ozgina yopishqoq xamir bo‘lguncha qoring.
- Xamirni katta idishga soling, ustini sochiq bilan yoping va iliq joyda 1-2 soatga qoldiring.
- Listni yoki qolipni pergament qog‘oz bilan yoping. Xamir ikki baravar kattalashganda, uni 12 ta teng bo‘lakka bo’ling. Har birini bulochkaga aylantiring.
- Bulochkalarni listga qo‘ying, ularning orasida 5-7 sm joy qoldiring. Ustini sochiq bilan yoping va 20-30 daqiqa davomida iliq joyda qoldiring.
- Pechni 180 daraja haroratda oldindan qizdirib oling. Bulochkaning ustiga surtish uchun un, shakar va sariyog‘ni mayda qirg‘ichdan o‘tkazing. Tuxum sarig‘ini sut bilan ko‘pirtiring.
- Bulochkalarning ustiga tuxum sarig‘ini surting. Ularni qizargunga qadar 25-35 daqiqa pishirib oling.
Yoqimli ishtaha!
