Kartoshka, sabzi, no‘xat va pomidor bilan pishiriladigan mol go‘shti qiymasi taomga o‘zgacha ta’m beradi. Unga o‘zingizga yoqqan ko‘katlarni ham qo‘shishingiz mumkin.
— Manba: «Daryo» nashri.
Kerakli masalliqlar:
- kartoshka — 4 dona
- sabzi — 1-2 dona
- piyoz — 1 dona
- pomidor qaylasi — 400 g
- sarimsoq — 2 donacha
- o‘simlik yog‘i — 2-3 qoshiq
- tomat pastasi — yarim qoshiq
- qiyma — 500 g
- suv yoki sho‘rva — 300-350 ml
- muzlatilgan yashil no‘xat — 100-150 g
- lavr yaprog‘i — 1-2 dona
- quritilgan oregano — yarim qoshiq
- tuz — ta’bga ko‘ra
- murch — ta’bga ko‘ra
Tayyorlanishi:
- Kartoshka va sabzini o‘rtacha bo‘laklarga, piyoz va pomidorlarni mayda bo‘laklarga bo‘lib oling. Sarimsoqni qirg‘ichdan o‘tkazing.
- O‘simlik yog‘ini o‘rtacha olovda qizdirilgan idishga soling. Piyozni yumshoq bo‘lgunga qadar qovuring. Sarimsoqqa tomat pastasini qo‘shing va aralashtirib, yana 1 daqiqa pishiring.
- Unga qiymani soling va 4-5 daqiqa davomida qovuring. Aralashtiring va qoshiq bilan katta bo‘laklarni maydalang.
- Masalliqlarning ustiga kartoshka, sabzi, pomidor, sharbat, sho‘rva yoki suv, muzlatilgan yashil no‘xat, petrushka, quritilgan oregano, tuz va murch solib, aralashtiring.
- Taom qaynab chiqqanidan keyin idishning qopqog‘ini yoping va sabzavotlar yumshoq bo‘lgunga qadar 30-35 daqiqa davomida o‘rtacha olovda pishiring.
Yoqimli ishtaha!
