Shirinlikning noodatiy versiyasi klassik variantiga qaraganda shirinroq bo‘lib chiqadi. Unga qo‘shimcha ravishda murabbo yoki jem qo‘shishingiz mumkin.
— Manba: «Daryo» nashri.
Kerakli masalliqlar:
- oq shokolad — 230 gr
- sariyog‘ — 150 gr
- vanilin — 1 choy qoshiq
- tuz — yarim qoshiq
- shakar — 200 gr
- tuxum — 2 dona
- tuxum sarig‘i — 1 ta
- un — 180 gr
Tayyorlanishi:
- Pechni 180 daraja haroratda oldindan qizdiring. Yonlari 20-22 sm bo‘lgan kvadrat shaklidagi qolipni pishiriq qog‘ozi bilan o‘rab oling.
- Oq shokoladni maydalab, suv hammomida yoki mikroto‘lqinli pechda sariyog‘ bilan eritib oling. Aralashtiring va ozgina sovutib oling.
- Shokoladga vanilin, tuz va shakar qo‘shing, ko‘pirtirgich bilan aralashtirib oling. Tuxum va uning sarig‘ini qo‘shib yana aralashtiring.
- Un qo‘shib, silliq bo‘lguncha aralashtirib oling.
- Xamirni qolipga soling. Shirinlikni 25-30 daqiqa davomida qizarguncha pishiring.
Yoqimli ishtaha!
