Banan qo‘shib tayyorlanadigan pankeyklar mazali ta’mga ega bo‘ladi. Pankeyklardan xushbo‘y hid kelib turishi uchun ularga dolchin va vanilin soling. Unga o‘zingizga yoqqan boshqa mevalarni ham qo‘shishingiz mumkin.
— Manba: «Daryo» nashri.
Kerakli masalliqlar:
- un — 1 stakan
- shakar — 1 qoshiq
- pishiriq kukuni — 2 qoshiq
- tuz — bir qoshiqning to‘rtdan bir qismi miqdorida
- banan — 2 ta
- tuxum — 1 dona
- sut — 1 stakan
- o‘simlik moyi — 2 qoshiq va yana qovurish uchun
- vanilin — 1 chimdim
- dolchin — ta’bga ko‘ra
Tayyorlanishi:
- Un, shakar, pishirish kukuni va tuzni bitta idishga solib aralashtiring. Agar xohlasangiz, vanilin va dolchin qo‘shing.
- Bananlarni vilkalar yoki blender bilan ezib pyure holatiga keltirib oling.
- Mevalarni tuxum, sut va o‘simlik yog‘i bilan aralashtiring.
- Unni elakdan o‘tkazib banan massasi bilan yaxshilab aralashtirib oling.
- Idishni o‘rtacha olovda qizdiring va unga ozgina o‘simlik yog‘i quying.
- Xamirni qoshiq bilan tovaga soling va ikki tomoni qizargunga qadar pishiring.
Yoqimli ishtaha!
