Qiymali kotletlarga sabzavotlar qo‘shilsa, yanada shirali, yumshoq va mazali bo‘ladi. Unga ta’bingizga ma’qul keladigan ko‘katlarni ham qo‘shishingiz mumkin.
— Manba: «Daryo» nashri.
Kerakli masalliqlar:
- o‘rtacha kattalikdagi qovoqcha — 1 dona
- tuz — ta’bga ko‘ra
- piyoz — 1 dona
- qiyma — 400-450 g
- ezilgan non bo‘laklari
- tuxum — 1 dona
- murch — ta’bga ko‘ra
- o‘simlik yog‘i — 3 qoshiq
Tayyorlanishi:
- Qovoqchani qirg‘ichdan o‘tkazing. Qovoqchaga bir choy qoshiq tuz qo‘shing, aralashtiring va 5 daqiqaga qoldiring. Ortiqcha suvni olib tashlash uchun qovoqchani siqib oling.
- Piyozni mayda qilib to‘g‘rang.
- To‘g‘ralgan go‘shtni qovoqcha, piyoz, ezilgan non bo‘laklari, tuxum, tuz, murch bilan aralashtiring. Kotletlarni dumaloq shaklga keltirib oling.
- O‘simlik yog‘ini o‘rtacha olovda qizdirib oling. Kotletlarni har tomondan bir necha daqiqa qovuring, shunda ular yaxshi qovuriladi.
Yoqimli ishtaha!
