Lifehacker nashri xamiri qat-qat hamda nachinkasiga pishloq qo‘shib tayyorlanadigan yumshoqqina somsa retsepti bilan bo‘lishdi.
— Manba: «Daryo» nashri.
Kerakli mahsulotlar:
- pishloq — 250 gramm;
- sarimsoq — 1 dona;
- tuxum — 1 dona;
- xamirturushsiz tayyor qatlamali xamir — 500 gramm;
- sut — 1 osh qoshiq;
- kunjut — 1 osh qoshiq.
Tayyorlanish jarayoni:
- Pishloq va sarimsoq yaxshilab maydalanadi. Tuxum oqi sarig‘idan ajratib olinadi.
- Pishloq, sarimsoq va tuxum oqi aralashtiriladi. Xamir 6-8 millimetr qalinlikda yoyiladi.
- Xamir rulet shaklida o‘ralib, 12 ta bo‘lakka bo‘linadi.
- Har bir xamir yoyilib, o‘rtasiga pishloqli nachinkadan bir osh qoshiq qo‘yiladi.
- Somsa uchburchak shaklda tugiladi.
- Pech oldindan 180 darajada qizdiriladi. Listga pergament qog‘oz solinadi.
- Ustidan somsalar terib chiqiladi. Tuxum sarig‘i sut bilan aralashtirilib, somsalar ustiga surtiladi.
- So‘ngra kunjut sepib, 20 daqiqaga pechga qo‘yiladi.
- Somsalar yuzasi qizarguncha pishiriladi.
Yoqimli ishtaha!
