Tovuq go‘shtidan tayyorlanadigan ushbu taomlar oila a’zolarning barchasiga manzur kelishi shubhasiz.
— Manba: «Daryo» nashri.
Pergament qog‘ozda pishirilgan tovuq filesi
Pergament qog‘oziga o‘ralib pishiriladigan ushbu tovuq kechki taom uchun ayni muddao.
Kerakli mahsulotlar:
- tovuq filesi – 300 gramm;
- o‘simlik yog‘i – 1 osh qoshiq;
- quritilgan ko‘katlar – 1/2 choy qoshiq;
- koriandr – 1/2 choy qoshiq;
- chili – 1/4 choy qoshiq;
- paprika – 1/2 choy qoshiq;
- tuz.
Tayyorlanish jarayoni:
- Tovuq filesi o‘ta qalin bo‘lmagan bo‘laklarga bo‘linadi.
- Pergament qog‘oziga o‘simlik yog‘i surtiladi. Tuz va ziravorlarning barchasi aralashtiriladi va pergament qog‘ozga sepiladi.
- Tovuq bo‘laklari pergament qog‘ozga o‘raladi va bir qismi ochiq oladi.
- Quruq tovada filelar har tomoni 3 daqiqa davomida pishiriladi va olovni o‘chirib, 2 daqiqaga qoldiriladi.
- Tovuq filelarini ta’bga ko‘ra garnir bilan dasturonga tortish mumkin.
Tovuqli shaurma
Uy sharoitida o‘z qo‘lingiz bilan shaurma tayyorlab ko‘ring.
Kerakli mahsulotlar:
- lavash xamiri – 90 gramm;
- sarimsoq sousi – 50 gramm;
- grilda pishirilgan tovuq go‘shti – 130 gramm;
- tuzlangan bodring – 30 gramm;
- pomidor – 20 gramm;
- salat bargi– 8 gramm;
- ko‘katlar.
Tayyorlanish jarayoni:
- Lavash xamiriga sarimsoq sousi surtib chiqiladi va ustidan salat bargi teriladi.
- Salat bargi ustidan to‘g‘ralgan tuzlangan bodring va pomidor solinadi.
- So‘ngra tovuq go‘shti va yana bodring, pomidor terib chiqiladi va sarimsoq sousi quyiladi.
- Lavash xamiri rulet shaklida o‘raladi va 200 daraja qidirilgan pechning panjarasiga qo‘yib pishiriladi.
- Dasturxonga tortishdan avval ikki qismga bo‘linadi va ko‘katlar bilan bezatiladi.
Forscha tovuq retsepti
Kerakli mahsulotlar:
Tovuq uchun:
- butun tovuq
- paprika – 2,5 choy qoshiq;
- sarimsoq kukuni – 1,5 choy qoshiq;
- koriandr – 0,5 choy qoshiq;
- zira – 0,5 choy qoshiq.
Sous uchun:
- ketchup – 1 osh qoshiq;
- olma sirkasi – 1/4 qoshiq;
- jigarrang shakar – 0,5 osh qoshiq;
- chili – 1 choy qoshiq;
- sarimsoq kukuni, murch.
Tayyorlanish jarayoni:
- Kichik idishga barcha ziravorlar solib aralashtiriladi. Tovuq butunligicha yuviladi, ko‘krak va son qismi pichoq bilan biroz kesib qo‘yiladi. Ziravorlar aralashmasi tovuqqa sepiladi.
- Elektr qozonga tovuqni solib, qopqog‘i yopiladi va eng past rejimga qo‘yiladi.
- Tovuq 6-7 soat davomida pishiriladi.
- Sous uchun ajratilgan masalliqlarning barchasi aralashtiriladi va mikroto‘lqinli pechga 4 daqiqaga qo‘yiladi.
- Sous tovuq ustidan quyiladi va yana 10-15 daqiqaga dimlanadi.
Xamiri qat-qat tovuqli pirog
Kerakli mahsulotlar:
- tovuq filesi – 600 gramm;
- ismaloq – 200 gramm;
- sarimsoq – 1 dona;
- zaytun moyi – 1-2 osh qoshiq;
- rikotta pishlog‘i – 200 gramm;
- feta pishlog‘i – 150 gramm;
- quritilgan pomidor – 45 gramm;
- limon sharbati – 2 osh qoshiq;
- qatlamali xamir – 10 dona;
- eritilgan sariyog‘ – 50 gramm;
- limon qobig‘i.
Tayyorlanish jarayoni:
- Tovuq mayda to‘g‘ralib, zaytun moyi bilan tovada qovuriladi. Ustidan to‘g‘ralgan sarimsoq va ismaloq qo‘shiladi va sovitishga qo‘yiladi.
- Idishga rikotta, feta pishlog‘lari, limon qobig‘i va sharbati aralashtiriladi.
- Nachinka qovurilgan go‘shtga qo‘shiladi.
- Xamirga sariyog‘ suriladi va ustma-ust qo‘yiladi.
- So‘ngra qolip ustiga chet qismlari chiqarilgan holda qo‘yiladi va ichiga nachinka solinadi.
- Xamirning cheti birlashtirib chiqiladi.
- Pechga 180 darajaga 50-60 daqiqaga qo‘yiladi.
Yoqimli ishtaha!
