Tovuq go‘shti, qo‘ziqorin, piyoz hamda eritilgan pishloq – tushlik uchun ajoyib tanlov.
— Manba: «Daryo» nashri.
Kerakli mahsulotlar:
- qo‘ziqorin – 250-300 gramm;
- piyoz – 1 dona;
- o‘simlik yog‘i – 1 osh qoshiq;
- smetana – 3-4 osh qoshiq;
- tovuq filesi – 3 dona;
- pishloq – 150-200 gramm;
- tuz va ziravorlar.
Tayyorlanish jarayoni:
- Qo‘ziqorin va piyoz mayda to‘g‘raladi.
- Tovaga o‘simlik yog‘i quyilib, dastlab qo‘ziqorin qovuriladi.
- Ustidan piyoz solinib, 3-4 daqiqa davomida pishiriladi.
- Tuz va ziravorlar qo‘shilgach, smetana solinadi va sovutishga qo‘yiladi.
- Tovuq filesi uzunligi bo‘ylab kesiladi, tuz va ziravorlar sepilib, yaxshilab uriladi.
- Idishga dastlab filelar, ustidan qo‘ziqorinli aralashma solinadi. Ustidan qirg‘ichdan o‘tkazilgan pishloq sepiladi.
- Taom 180 daraja pechda taxminan 25-30 daqiqa davomida pishiriladi.
Yoqimli ishtaha!
