Nonushta yoki yengil tamaddi uchun ayni muddao bo‘lgan shirinlik retseptini e’tiboringizga havola qilamiz.
— Manba: «Daryo» nashri.
Kerakli mahsulotlar:
- olma — 1 dona;
- xurmo — 2 dona;
- limon — 1 dona;
- yong‘oq — 60 g;
- mayiz — 50 g;
- un — 1 osh qoshiq;
- shakar — 1 osh qoshiq;
- maydalangan dolchin — 1 osh qoshiq;
- xamirturushsiz xamir;
- tuxum — 1 dona;
- suv — 1 osh qoshiq.
Tayyorlanish jarayoni
- olma va xurmoni mayda “kubik” shaklida to‘g‘rang;
- limon po‘chog‘ini qirg‘ichdan chiqaring;
- mevalarga limon po‘sti, yong‘oq va mayiz qo‘shib aralashtiring;
- un, shakar va maydalangan dolchin qo‘shib aralashtiring;
- yupqa qilib yoyilgan xamir ustiga ichiga mevali “nachinka”ni soling;
- xamirni rulet shaklida o‘rang;
- ustiga chaqilgan tuxum surting;
- 190 daraja qizigan pechda 35-45 daqiqa davomida pishirib oling;
- ustini maydalangan yeryong‘oq yoki shakar kukuni bilan bezasangiz bo‘ladi.
Yoqimli ishtaha!
