Psixolog Dmitriy Yagudinning fikricha, kuzda ish qobiliyati organizm yangi grafikga moslashishga ulgurmagani sababli tushib ketadi. U ertalabni oddiy ishlardan boshlashni va kunduzgi yorug‘likda tez-tez bo‘lishni maslahat beradi
Manba: «Mail.ru Hi-Tech».
Hi-Tech Mail muallifi
Kuzda ish qobiliyati tushib ketadi, chunki ish ritmi keskin o‘zgaradi, organizm esa qayta moslashishi sekin-astalik bilan kechadi. Bu haqda «Lenta.ru»ga Xalqaro neyrouniversitet asoschisi va rahbari, psixologiya fanlari doktori Dmitriy Yagudin gapirib berdi. U o‘ziga ortiqcha bosim o‘tkazmasdan ritmni qanday tenglashtirish mumkinligini tushuntirdi.
«Kuzning asosiy tuzog‘i shundaki, ish grafigi deyarli bir zumda o‘zgaradi: ta’tillar tugaydi, uchrashuvlar, dedlaynlar, qorong‘ida yo‘lga tushishlar qaytadi. Organizm esa kalendar bo‘yicha qayta moslashmaydi», — deb ta’kidladi psixolog. Unig so‘zlariga ko‘ra, tana yorug‘likka va odatiy faollik darajasiga tayanadi. Shuning uchun inson o‘zidan to‘liq ishga kirishishni talab qiladi, miya esa yangi sharoitlarga hali ko‘nikmagan bo‘ladi.
Yagudin buni iroda kuchi bilan yengishga urinmasdan, jadvalni o‘ziga moslashtirishni maslahat beradi. Murakkab vazifalar va muhim muzokaralarni u inson eng diqqatli va tetik bo‘lgan soatlarga qo‘yishni taklif qiladi. Ertalabni uzoq vaqt kirishishni talab qilmaydigan oddiy boshlang‘ich ishlarga ajratgan ma’qul. Shunda kun tushunarli natija bilan boshlanadi, og‘ir ish esa diqqatning eng yuqori nuqtasiga to‘g‘ri keladi.
Yana bir tavsiya qisqa tanaffuslarga tegishli. Bir necha daqiqa derazaga yoki kunduzgi yorug‘likda uzoqdagi buyumlarga qarash ko‘zlar uchun ham, asab tizimi uchun ham foydalidir. Ekspert shuningdek, uyg‘ongandan so‘ng darhol ishchi chatlar va yangiliklar tasmasini ochmaslikni so‘raydi.
Alohida e’tiborni psixolog rejimga qaratadi. Bir xil vaqtda o‘rindan turish kerak, kunning birinchi yarmida esa kunduzgi yorug‘likda tez-tez bo‘lish muhimdir. Qisqa sayr mos keladi, yoki ishga boradigan yo‘lning bir qismini piyoda bosib o‘tish mumkin. Kechqurun Yagudin barcha ishlarni tugatishga urinmaslikni, ekranlar yorqinligini pasaytirishni, murakkab suhbatlarni ortga surishni va krovatda ishlamaslikni maslahat beradi. Bu odatlar organizmga kuzgi grafikga tezroq ko‘nikishga yordam beradi.
Ertalabki odatlar ham umumiy ahvolga ta’sir qiladi. 7-oktabr kuni fizioterapevt Rafaela Korreya Kosta Magalyaes, ayniqsa beli og‘riydiganlarga, o‘rindan keskin turmaslikka chaqirdi.
Avvalroq biz kuzda smartfonga bo‘lgan intilishni qanday yengish haqida va uydagi havoni tozalash miya faoliyatini yaxshiroq ishlashiga yordam berishi haqida so‘zlab bergan edik.
