«РАҚС ТУШАРДИ…»
Зулматда у танҳо — рақс тушарди,
Биз дедик: «Ажабо, не экан дарди?».
Лекин тез хулоса — қилмаслик жоиз,
…У тунни сезмаскан — кўзлари ожиз.
Оламни кўраркан — фақат қалбида,
…Кўзлари ожиз, бу — бизмиз аслида!».
«ЧАҚМОҚДАЙ…»
-«Чақмоқдай чақнади ва сўнди бирдан,
Чунки жой олмаган — мухлис қалбидан!».
«ДАРАХТ МИСОЛИ…»
-«Доно ҳикматларни — тутсангиз ёдда,
Мустаҳкам илдизли — бўлиб ҳаётда,
Яшайсиз шу улкан — дарахт мисоли,
…Шу улкан дарахтлар — кураш тимсоли!».
«ИЛОЖСИЗ ҚОЛМАСЛИК УЧУН…»
-«Иложсиз қолмаслик учун — сен дастлаб,
Илож топ, аввалроқ — қаддингни ростлаб!».
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
