Qiyma va qovurilgan qo‘ziqorindan tayyorlanadigan ushbu taomni tushlikda iste’mol qilishingiz yoki bayram dasturxonlariga qo‘yishingiz mumkin. Ruletga o‘zingizga yoqqan ko‘katlarni qo‘shsangiz ham bo‘ladi.
— Manba: «Daryo» nashri.
Kerakli masalliqlar:
- qo‘ziqorin — 350 g
- piyoz — 2 dona
- o‘simlik yog‘i — 2 qoshiq va moylash uchun
- tuz — ta’bga ko‘ra
- murch — ta’bga ko‘ra
- qiyma — 600-650 g
- tuxum — 2 dona
- qiyma uchun ziravorlar — ta’bga ko‘ra
Tayyorlanishi:
- Piyoz va qo‘ziqorinlarni o‘rtacha bo‘laklarga bo‘lib oling.
- O‘simlik yog‘ini idishda o‘rtacha olovda qizdirib oling. Piyozni 4-5 daqiqa davomida qovuring.
- Qo‘ziqorinlarni qo‘shing va uni ham taxminan 4-5 daqiqa davomida pishirib oling. Masalliqlarga tuz va murch qo‘shing.
- Qiymani tuxum, tuz, murch va ziravorlar bilan aralashtiring.
- Qiymani yaxshilab aralashtiring va uni bir necha daqiqa stolga qo‘ying.
- Plyonkani stolga yoyib, ustiga qiyma go‘shtni teng ravishda taqsimlang. Qalinligi bir santimetrdan oshmaydigan to‘rtburchak shaklidagi qiymalarni hosil qiling.
- Qo‘ziqorinli nachinkani qiymaning ustiga soling, bir tomondan biroz buklang.
- Sekin qiymani o‘rang, uni plyonka bilan ko‘taring, so‘ngra plyonkani olib tashlang.
- Rulonni moylangan qolipga soling. Vilka bilan bir nechta teshiklar oching. Ruletning ustiga aralashtirilgan tuxumni surting.
Yoqimli ishtaha!
