Dudlangan tovuq go‘shti, tuxum va bodring qo‘shib tayyorlanadigan salat mazali ta’mga ega. Unga somon shaklida to‘g‘ralgan chipslarni qo‘shsangiz ishtahani ochuvchi hidga ega bo‘ladi.
— Manba: «Daryo» nashri.
Kerakli masalliqlar:
- kartoshka — 4 dona
- tuxum — 4-5 dona
- bedana tuxumi — 3 dona
- dudlangan tovuq go‘shti — 350 gr
- tuzlangan bodring — 3-4 dona
- piyoz — yarimta
- tuz — ta’bga ko‘ra
- murch — ta’bga ko‘ra
- mayonez — ta’bga ko‘ra
- somon shaklidagi kartoshka chipslari — ta’bga ko‘ra
- ukrop — ta’bga ko‘ra
Tayyorlanishi:
- Kartoshkani 20-30 daqiqa, tovuq tuxumini 10 daqiqa, bedana tuxumini 5 daqiqa qaynating. Salqin joyga qo‘ying va tozalab oling.
- Tovuq go‘shti, tuxum, kartoshka va bodringni o‘rtacha, piyozni esa mayda qilib to‘g‘rab oling.
- Hamma mahsulotlarni idishga soling va tuz, murch, mayonez qo‘shib aralashtiring.
- Salatni tarelkaga solib dumaloq shaklga keltiring, o‘rtasida kichik chuqurcha qiling.
- Shakl uyaga o‘xshash bo‘lishi uchun uni chipslar bilan bezang. O‘rtasiga ukrop novdalarini, ustiga bedana tuxumlarini qo‘ying.
Yoqimli ishtaha!
