Qat-qat xamirdan tayyorlanadigan pirog mazali ta’mga ega. Ushbu shirinlik oson tayyorlanadi va ta’mi klassik bulochkalar, tvorog qo‘shib tayyorlanadigan boshqa piroglardan qolishmaydi.
— Manba: «Daryo» nashri.
Kerakli masalliqlar:
- mayiz — ta’bga ko‘ra
- un — 2-4 qoshiq
- qat-qat xamir — 300 g
- sariyog‘ — 1 bo‘lak
- tvorog — 500 g
- tuxum — 2 dona
- shakar — 100 g
- vanilin — 8 g
- tuz — 1 chimdim
Tayyorlanishi:
- Mayizlarni issiq suvga 5-10 daqiqaga solib qo‘ying. Keyin suyuqlikni to‘kib tashlang va mayizlarni qog‘oz sochiq bilan quriting.
- Stolga un sepib, xamirni yupqa dumaloq qatlam qilib yoyib chiqing.
- Pirog pishiriladigan idishni yog‘lang va biroz un seping.
- Ehtiyotkorlik bilan xamirni qolipga qo‘ying va tomonlariga e’tibor bering. Ortiqcha qirralarni kesib oling. Shirinlikning nachinkasini tayyorlayotgan vaqtda xamirni muzlatgichga qo‘ying.
- Tvorogga tuxum qo‘shib blender yordamida aralashtiring. Unga vanilin, shakar, tuz va mayizni soling.
- Xamirga tvorog massasini yoyib, tekislang.
- Xamirni 30 daqiqa davomida 200 daraja haroratda oldindan qizdirilgan pechga qo‘ying. Pirog pishgandan keyin uni to‘liq sovutib oling.
Yoqimli ishtaha!
