Qovoq ichiga tovuq go‘shti qiymasi va guruch solib tayyorlanadigan ushbu taom juda mazali ta’mga va xushbo‘y hidga ega. Taomga qo‘shimcha ravishda o‘zingizga yoqqan sabzavotlarni qo‘shishingiz ham mumkin.
— Manba: «Daryo» nashri.
Kerakli masalliqlar:
- o‘rtacha kattalikdagi qovoq — 2 dona
- tuz — ta’bga ko‘ra
- murch — ta’bga ko‘ra
- o‘simlik yog‘i — 2 qoshiq va yana moylash uchun
- guruch — 150 g
- piyoz — 1-2 dona
- sarimsoq — 2-3 donacha
- tovuq go‘shti qiymasi — 450 g
- pomidor qaylasi — 3-4 qoshiq
- maydalangan qizil qalampir — ta’bga ko‘ra
- pishloq — 150 g
Tayyorlanishi:
- Qovoqlarni ikkiga bo‘ling. Ularning urug‘larni va tolalarini olib tashlang.
- Qovoqqa biroz tuz va murch qo‘shib, ichini yog‘lab oling.
- Qovoq yarmini kesilgan tomonini pastga qaratib, pishirish varag‘iga qo‘ying. Taxminan 30 daqiqa davomida 180 daraja haroratda pishiring.
- Guruchni pishguniga qadar 20 daqiqa davomida qaynatib oling. Uni sovutishga qo‘ying.
- Qovoqni sovutib oling va ichiga mahsulotlarni solish uchun bir tekis qilib mag‘zining bir qismini qoshiq bilan qirib tashlang.
- Qovoqdan olingan mag‘zini va piyozni mayda bo‘laklarga bo‘lib oling. Sarimsoqni qirg‘ichdan o‘tkazing.
- O‘simlik yog‘ini o‘rtacha olovda qizdirib oling. Piyozni yumshoq bo‘lgunga qadar qovuring. Unga sarimsoq, qovoq bo‘laklarini qo‘shing va yana yarim daqiqa pishiring.
- Qiymani tovaga soling va yana 4-5 daqiqa davomida qovurib oling.
- Tovaga pomidor qaylasini qo‘shing va 2-3 daqiqadan so‘ng tuz, murch va qizil qalampir qo‘shing. Hammasini aralashtiring va yana 3-4 daqiqa qovuring.
- Qovoqning yarmini qiyma bilan to‘ldiring va maydalangan pishloq seping. Yana 15 daqiqa davomida pechga qo‘ying.
Yoqimli ishtaha!
