Tovuq va qo‘ziqorin qo‘shib tayyorlanadigan ushbu taom juda mazali ta’m va yoqimli hidga ega. Yegulikka ta’bingizga qarab pishloq qo‘shishingiz mumkin.
— Manba: «Daryo» nashri.
Kerakli masalliqlar:
- tovuq filesi — 250-300 g
- qo‘ziqorin — 250-300 g
- piyoz — 1 dona
- pishloq — 120-150 g
- o‘simlik yog‘i — 2 qoshiq
- tuz — ta’bga ko‘ra
- murch — ta’bga ko‘ra
- yog‘li qaymoq — 50-60 ml
- bulochka — 4 dona
Tayyorlanishi:
- Tovuq va qo‘ziqorinni o‘rtacha bo‘laklarga bo‘ling, piyozni esa mayda qilib to‘g‘rab oling. Pishloqni katta tishli qirg‘ichdan o‘tkazing.
- O‘simlik yog‘ini o‘rtacha olovda tovada qizdirib oling. Tovuqni bir necha daqiqa davomida, rangi o‘zgargunga qadar qovuring.
- Tovaga piyozni soling. Yumshoq va yengil qizarguncha pishirishda davom eting.
- Qo‘ziqorinlarni ham tovaga soling. Barcha mahsulotlarni aralashtiring, idishni qopqoq bilan yoping va yana 5 daqiqa davomida olovda qoldiring.
- Qaymoqqa tuz, murch va pishloqning yarmini qo‘shing. Hammasini aralashtirib idishning tagini o‘chiring.
- Bulochkalarning ustki qismini kesib oling va mahsulotlarni solish uchun ichki qismini kesib oling.
- Bulochkalarni tovuq qiymasi bilan to‘ldiring va ularni pergament qog‘ozga soling. Ustiga pishloqning qolgan qismini seping va bulochkaning kesib olingan qismi bilan yegulikning ustini yoping.
- Yegulikni 220 daraja haroratda 5-7 daqiqa davomida pechga qo‘ying.
Yoqimli ishtaha!
