Tushlik yoki kechki ovqat, shuningdek, bayramona stol uchun tayyorlanishi oson va mazali taom retsepti bilan bo‘lishamiz.
— Manba: «Daryo» nashri.
Mahsulotlar:
- Tovuq to‘shi — 4 dona
- Qattiq pishloq yoki motsarella — 80-100 g
- Pomidor — 2 ta
- Soya sousi — 2 osh qoshiq
- O‘simlik moyi — 1 osh qoshiq
- Sarimsoq
- Tuz
- Murch
- Ko‘katlar
Tayyorlanishi:
- Har bir tovuq to‘shiga 5-6 ta ko‘ndalang kesma kesing.
- Pishloq va pomidorni ingichka bo‘laklarga bo‘ling.
- Tovuqni tuz va murch bilan ziravorlang.
- Har bir kesilgan joyga bir bo‘lak pomidor va pishloq qo‘ying.
- Tovuqni pech patnisiga qo‘yib, soya sousi, yog‘ va sarimsoqni aralashtirib, tovuq to‘shiga surting.
- Taxminan 30 daqiqa davomida 200 ° C da oldindan qizdirilgan pechda pishiring.
- Tayyor taomga maydalangan ko‘kat seping.
Yoqimli ishtaha!
