Barcha sevib iste’mol qiladigan oddiy salat quymoqdan tayyorlangan atirgullar bilan bayramona ko‘rinishga ega bo‘ladi.
— Manba: «Daryo» nashri.
Kerakli mahsulotlar:
Salat uchun:
- lavlagi – 2 dona;
- sabzi – 2 dona;
- kartoshka – 2 dona;
- seld balig‘i – 1 dona;
- piyoz – 1 dona;
- mayonez.
Bezak uchun:
- tuxum – 1 dona;
- sut – 300 ml;
- un – 80-120 gramm;
- o‘simlik moyi – 1 osh qoshiq;
- pishloq – 180-200 gramm;
- lavlagi – 2 dona;
- sarimsoq – 1-2 dona;
- tuz va ziravorlar, mayonez, ko‘kat.
Tayyorlanish jarayoni:
- Lavlagi, sabzi, kartoshka qaynatib olinadi.
- Seld balig‘i kichik bo‘laklarga bo‘linadi.
- Quymoq xamiri uchun tuxum, sut va bir chimdim tuz yaxshilab aralashtiriladi. So‘ngra yog‘ qo‘shiladi.
- Quymoqlar biroz yog‘langan tovada ikki tomoni qizarguncha qovurib olinadi.
- Salat uchun qaynatilgan mahsulotlar qirg‘ichdan o‘tkaziladi. Piyoz mayda to‘g‘raladi.
- Idishga avval mayonez solinadi va ustma-ust kartoshka, seld balig‘i, piyoz, sabzi, lavlagi joylashtiriladi. Har bir qatlam orasiga mayonez solinadi.
- Bezak uchun suyuq pishloq va lavlagi qirg‘ichdan o‘tkaziladi. Sarimsoq, tuz, qalampir va mayonez bilan aralashtiriladi.
- Quymoqlarga lavlagili aralashma surtiladi va rulet shaklida o‘raladi.
- Salat usti salat barglari va quymoqli atirgul bilan bezatiladi.
Yoqimli ishtaha!
