Ko‘pchilikka bolalikdan tanish bo‘lgan tvorogli pechenyelarni tayyorlash juda oddiy. Mazali va yumshoq shirinlikni, albatta, tayyorlab ko‘rishingizni tavsiya qilamiz.
— Manba: «Daryo» nashri.
Kerakli mahsulotlar:
- tvorog – 300 gramm;
- sariyog‘ – 150 gramm;
- un – 230 gramm;
- qabartma – 1/2 choy qoshiq;
- shakar – 150 gramm;
- tuz, vanil.
Tayyorlanish jarayoni:
- Tvorog sariyog‘ bilan sanchqi yordamida yaxshilab maydalanadi.
- Un, qabartma va tuz aralashtiriladi.
- Tvorog bilan un aralashmasi qo‘shilib, xamir qoriladi.
- Xamir muzlatkichda 20-30 daqiqaga qoldiriladi.
- So‘ngra xamir yupqa qilib yoyiladi.
- Stakan yordamida xamirdan bir nechta dumaloq shakl kesib olinadi.
- Shakar va vanil aralashtiriladi va xamir bir tomoni shakarli aralashmaga botirib olinadi. Shakarli qismi ichkariga qaratib, ikki buklanadi.
- Bu safar shakar ust qismida qolishi uchun uchburchak shaklida buklanadi va bir tomoni shakarga botiriladi.
- Qolgan xamir ham xuddi shu tarzda tayyorlanadi.
- Qolipga shakarli tomoni yuqoriga qaratib terib chiqiladi.
- 180 daraja pechda 20 daqiqa davomida pishiriladi.
Yoqimli ishtaha!
