Ushbu shokoladli shirinlik yumshoq va mazali. Malina esa uning ko‘rinishini yanada boyitadi. Mazkur retsept pazanda bekajonlar uchun ayni muddao.
— Manba: «Daryo» nashri.
Kerakli mahsulotlar:
- shokolad — 180 gramm;
- sariyog‘ — 130 gramm;
- tuxum — 3 dona;
- shakar — 150 gramm;
- un — 160 gramm;
- qabartma (razrixlitel) — bir choy qoshiq;
- kraxmal — bir osh qoshiq;
- malina — 300 gramm;
- kakao, tuz.
Tayyorlanish jarayoni:
- Shokolad bug‘da eritib olinadi va sariyog‘ bilan aralashtiriladi.
- Tuxum, tuz va shakar aralashtirilib, shokoladli massaga qo‘shiladi.
- Ustidan qabartma va un solinib, suyuq xamir hosil qilinadi.
- Nachinka uchun kraxmal, malina va shakar aralashtiriladi.
- Pishiriq qolipigiga pergament qog‘ozi qo‘yiladi va xamirning bir qismi joylashtiriladi. Ustidan malina terilib, so‘ngra yana xamirning qolgan qismi quyiladi. Yuzasiga yana malina teriladi.
- Pechda 180 darajada 40—45 daqiqa davomida pishiriladi.
- Tayyor bo‘lgach ta’bga ko‘ra kakao sepish mumkin.
Yoqimli ishtaha!
