ТЎЙ-ХАШАМ – ЛУҒАТИ
- ЗИГ-ЗАГ” – ЗАГС куни барчани хатарга қўйиб, автомобилларнинг колонна бўлиб тартибсиз харакатланиши.
- “СОЗАНДАЛАР” – Тўй кунини белгилаб берувчи шахслар.
- “ТЎЙГА ЧАҚИРУВЧИ” – Жонли тезкор таклифнома.
- “ТЎЁНА”- Тўй эгасининг бўйнидаги қарз.
- “ДАБ-ДАБАЛИ ТЎЙ МАРОСИМИ” – Тўй эгаларининг хавойи “орзу хавас”лари.
- “ТЎЙ БОЛА” – Тўй куни бериладиган совғалардан қувонадиган, лекин атрофдагиларга нимадандир доимо хавотирланган холда қаровчи бола.
- “ТЎЙ ЭГАСИ” — Бутун элу-юртга ош берсада, ўзи овқатланишига зўрға вақт топадиган, ошпазнинг олдига боришга ийманадиган ва апил-тапил тамадди қилиб, дарвоза томонга югурадиган одам.
- “ТОРТИНЧОҚ ҚИЗ” — Тўй базми пайтида йигитлар ўйинга тортган пайтда “ўйнашни билмайман” деб, сўнгра, хеч кимга ўртани бермайдиган “тортинчоқ” қиз.
- “ФХДЁ” – Фуқароларни Хаёт Дафтарига Ёзиш
- “КУЁВ НАВКАРИ” — “Уятчан” куёв тўра учун жонли девор вазифасини ўтовчи шўх йигитлар жамоаси.
- “КЕЛИН НАВКАРИ” — Тўқликка – шўхлик ёки ортиқча даб-дабадан иборат салбий орзу-хавас.
- “ТЎЙ МАРОСИМИ” — режали кичик сериал, келин-куёв – “Тўй” сериалининг асосий қахрамонлари, қудалар – сериал режисёрлари, мехмонлар – эпизодик роллар ижрочилари, тўёна билан келган мехмонлар – сериал хомийлари
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
