Turkmaniston prezidenti Gurbanguli Berdimuhamedov sog‘liqni saqlash xodimlarini tabrikladi, deb yozadi “RIA Novosti”.
Foto: “RIA Novosti”
U o‘z tabrigida mamlakatda qator kasalliklarga butunlay chek qo‘yilgani va sog‘lom hayot tarzi tamoyillari joriy etilganini qayd etdi — deb bu haqda «Daryo» nashri xabar beradi
Eslatib o‘tamiz, Turkmaniston prezidenti Gurbanguli Berdimuhamedovning vafot etgani haqida “Govorit Moskva” Yevrosiyo muammolari monitoring markazi direktori Aslan Rubayevga tayanib xabar bergan edi. Uning so‘zlariga ko‘ra, Turkmaniston prezidentining o‘limi haqida Ashxobodda ishlaydigan biznesmenlar ma’lum qilgan.
Keyinroq Turkmanistonning Rossiyadagi elchixonasi prezident Gurbanguli Berdimuhamedovning vafoti haqidagi xabarlarni yolg‘on deb atadi.
Ushbu xabarlar yuzasidan rasmiy Ashxobod izoh berganicha yo‘q.
“Daryo” nashri Toshkentdagi Turkmaniston elchixonasi bilan bog‘lanishga urinib ko‘rdi, ammo rasmiy telefon raqamlari bo‘yicha qo‘ng‘iroqlarga hech kim javob bermayapti.
