Баъзан, уйдами, дала-даштдами кичикроқ гулхан ёқишга тўғри келиб қолади. Шунда, чирсиллаб ёнаётган оловга термулганча, бир муддат ўйчан бўлиб қоламиз. Беихтиёр хаёл дарёсига ғарқ бўламиз.Бу, кўпчиликка хос бўлган одатлардан бири албатта. Хўш, унда айтингчи, ёнаётган оловга термулганимизда, нималар хақида ўйлаймиз?
Тақдир тақозоси билан қоронғи тушган пайтларда хам ўзимизга нотаниш бўлган кўчаларда ёки махаллаларда кимнидир, ниманидир қидириб боришга хам тўғри келиб қолади. Шунда қоронғилик сабаб, қидираётган нарсамизни ёки кимсани топишга қийналамиз. Ўнлаб эшикларни тақиллатамиз. Кўча эшиги атрофини ёритиб қўйган хонадон олдига келганда эса, «Хайрият, ёруғлик хам бор эканку» деймиз.
Шундан кейин, уйга борганда, ўзимиз хам кўча эшигимизни ёритиш хақида ўйлаб хам кўрмаймиз.
Нега ?
Хозирги кунда дўстлар билан ўтказиладиган хар-хил зиёфатлар, йиғинлар кўпроқ чойхона, кафе каби жойларда ўтказилиши одат тусига кирди.(Карантин даврида эмас албатта!). Лекин ана шу зиёфатларда агар эътибор берилса, баъзан кеч қолиб келган кишилар ташқаридан кириб, ўтирганлар билан қўл бериб сўрашиб чиқишади. Буни орасида «Қўлим тоза, ювганман, кўнглингизга келтирманг» деб қўшиб хам қўйишади. Ташқаридан кириб келган киши хамма билан қўл бериб сўрашиб чиқиш ўрнига, қўлини кўксига қўйиб, ўтирганларга «Барчага ёппасига салом» деб, сўнгра давранинг бир четидан жой олиши шахсий гигиена қоидалари талабига мос келиши айни муддао эмасми?
Нима учун шу қоидани амалда хар доим тадбиқ эта олмаймиз? Бунга ким халақит беради ёки қаршилик кўрсатади?
Фараз қилинг, оила аъзоларингиз билан жамоат жойидасиз. Нима бўлдию, бир нечта этикетка ёки қандайдир қоғоз парчаларини ташлаб юборишга тўғри келди. Яқин атрофингизда махсус ахлат қутилари кўринмайди. Сиз бу арзимас чиқиндиларни керакли жойини топиб ташлаб юборасизми ёки сабр қила оласизми? …
Кечки пайт оила аъзоларингиз билан телевизор кўриб, хордиқ чиқаряпсиз. Телевизорда сериал намойиш қилинмоқда. Нима бўлдию, сериалдаги кадрларни кўриб, уни оилавий кўриш дуруст эмас деган фикрга келдингиз. Бу фикрингизни оила аъзоларингизга шу захоти билдириб, телевизорни бошқа каналга ўтказиб қўя оласизми?
Кўпинча дарё, кўллардан ёнидан хох транспортда, хох пиёда бўлсин, ўтиб кетаётиб, сувга қармоқ ташлаб, балиқ тутиб жордиқ чиқараётган инсонларга хар сафар кўзимиз тушганда, авваломбор уларга хавас қиламиз. Қўшимчасига, албатта яқин кунларда вақт ажратиб, худди улар каби қармоқни олиб, маданий хордиқ чиқарига қарор қиламиз. Лекин бунақанги ўнлаб қарорларимиз бюрократларни қоғозда қолиб кетган ваъдалари каби ушалмас орзу бўлиб қолаверади.
Абдулла Пулатов
- Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
- «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.
© МУАЛЛИФ
