Латифа (Тилингиз борми?…)

Бир харидор савдо дўконига кириб, анчагина нарсани харид қилибди. Сотувчи эса унинг бунчалик кўп нарса олганига шубха қилиб, эхтиёт шарт, «Пули етармикин, тағин насия қиламан десачи» деган ўй-хаёллар билан, ундан «пулингиз борми?» деб сўрабди.

Харидор бечоранинг эса қулоғи анчагина оғир экан. Хуллас, у сотувчининг «пулингиз борми?» деганини «тилингиз борми?» деб эшитиб, олдинига бир оз хайрон бўлибди-ю, лекин барибир қулоғига чалинган гапга таяниб, сотувчига тилини чиқариб кўрсатибди. Сотувчи эса, вахимачироқ экан-ми, харидорни рухий хаста бўлса керак деб ўйлаб, рухий хасталиклар шифохонасидан шифокорларни чақиртирибди. Улар етиб келишгач, харидорни алдаб-сулдаб, ўзлари билан олиб кетишибди.

Лекин шифохонада унга бирон-бир ташхисни қўйишолмабди. Сўнгра, уни хар эхтимолга қарши вақтинчалик рўйхатга олиб, шартли равишда уйига рухсат беришибди. Уни олиб кетгани ўғиллари келишибди. Фарзандлари хам оталарининг соппа-соғ эканлигини тасдиқлаш мақсадида, шифокорлар хузурида оталаридан атайлаб «пулингиз бормиди?» деб сўраб кўришибди.

Ота шўрлик эса шифокорлар хузурида ўғилларига хам тилини кўрсатибди…

© МУАЛЛИФ