Тез айтишлар («Эртугрул» сериалидан…)

Муғуллар мўлжаллаган маррадаги манзилларидалар.

Сунгуртекин — сўнгра сўради секин.

Эртугрул хар тугул Халима султонга берди гул.

Байжи Нойон — балки хоин — балки нодон — балки доно.

Қараджахисар қалъасини қамал қилиш қийин.

Жандарбек жангчиларни жанжалини жон-жахдида жиловлади.

Петруччио, Василиус, Титус — барчаси бир тус.

Аслихон аслида аслахаларни астойдил аскарларга асради.

Қўрқитишларга қарамай Қўрқутбей қабиладаги қўр-қутини қутқариб қололмади.

Халима султон — вахима султон.

Хайме она — қандай она.

Кунтуғдини — ким туғди.

Сулаймоншох сулх сабабли салжуқиларга суянди.

Йигит бўлса йилдан-йилга югуриб-елиб юлдузни йиқадиган йигит бўлди.

Дундар — диндорми, гумондорми ёки димоғдорми?

Ўғизлар — ўз ўғил-қизларини тўйларида қўй-қўзиларини бўғизлар.

Қабилалар Кайи, Чавдар, Додурга — уруш қилмайдилар бекорга.

Қайқубод — қайғудамас умрбод.

Саад Аддин Купек — ёвузликка чалади чапак.

Халима султон — хали хам султон.

Абдулла Пулатов

  • Материаллар фақат шахсий мақсадларда фойдаланиш учун: Материаллардан тижорат мақсадларида фойдаланиш, тарқатиш қонун билан тақиқланади.
  • «Муаллифлик хуқуқи ва турдош хуқуқлар тўғрисида» ги Ўзбекистон Республикаси Қонуни: № 42 сон, 20 июнь. 2006 йил.

© МУАЛЛИФ