29-may kuni O‘zbekistonda xizmat ko‘rsatgan artist, dublyaj ustasi, taniqli aktyor Hoshim Arslonov 64 yoshida olamdan o‘tdi. Bu haqda O‘zbekiston Kinoarboblari ijodiy uyushmasining Telegram kanalida xabar berildi — deb bu haqda «Daryo» nashri xabar beradi.
Foto: “Muzaffar.uz”
“O‘zbekiston Kinoarboblari ijodiy uyushmasi marhumning oila a’zolari va yaqinlariga chuqur ta’ziya izhor etadi”, — deyiladi xabarda.
Hoshim Arslonov “Marg‘iyona”, “Alpomish”, “Chavandoz”, “Advokatlar”, “Qasos”, “So‘nggi nafasimgacha” kabi o‘nlab filmlarda suratga tushgan. Aktyor dublyaj sohasida ham samarali faoliyat yuritgan. U bir filmda bir necha obrazlarga ovoz bera olishi bilan nom qozongan edi.
