Baqlajondan turkcha imam bayildi pishirib ko‘ring

Baqlajon ustiga “nachinka” solib pishiriladigan mazkur taomga aslida zaytun yog‘i qo‘shilishi kerak. Lekin siz o‘simlik yog‘idan ham foydalanishingiz mumkin. Taomning xushbo‘y hidi dimog‘ingizda, mazasi og‘zingizda qolishiga shubha yo‘q  — deb bu haqda «Daryo» nashri  xabar beradi.    

Foto: Habervakti

Buning uchun quyidagi mahsulotlar kerak bo‘ladi:

  • Baqlajon — 3 dona
  • Piyoz — 200 gr
  • Pomidor — 300 gr
  • Petrushka ta’bga ko‘ra
  • Sarimsoq piyoz — 20 gr
  • Quritilgan yalpiz — 1 choy qoshiq
  • O‘simlik yog‘i — 60 ml
  • Limon — 1 dona
  • Shakar — 2 choy qoshiq
  • Tuz, murch ta’bga ko‘ra

Tayyorlanish jarayoni:

  • Baqlajonni uzunasiga o‘rtasidan bo‘ling.
  • Bo‘lak baqlajonni pichoq yordamida oralatib tilib chiqing, tuz seping va 15 daqiqaga qoldiring.
  • O‘simlik yog‘i solingan tovada baqlajonni tillarang tusga kirgunicha qovurib oling.
  • Yarim dumaloq shaklda to‘g‘ralgan piyoz, sarimsoq, o‘simlik yog‘i, quritilgan yalpiz hamda pomidor va petrushka qo‘shib aralashtiring.
  • Baqlajon ustiga “nachinkani” soling.
  • Suvga limon, yog‘ va shakar qo‘shib aralashtiring.
  • Tovaga “nachinka” solingan baqlajonlarni terib, ustidan limonli aralashmani quying va qopqoqni yopib 40-50 daqiqa dimlang.

Yoqimli ishtaha!