Boqsam daraxt, oʼtloqqa, qirga,
Kuz aksini koʼraman faqat.
Kuzning uzgan barglari yerga,
Toʼkiladi qavatma-qavat.
Issiqsevar qushlar oʼzicha,
«Yoqtirishmas» iqlimni endi.
Faqat qargʼa, chumchuq. musicha,
«Bir amallab» yashashga «koʼndi».
Qalinlashdi kiyimlar bir oz,
Аyab sochar nurlarin quyosh.
Mexmon boʼlar yomgʼir xam tez-tez,
Qishligini gʼamlar qari-yosh.
Oʼt-oʼlanu, dov-daraxtlarni,
Barchasin kuz sariqqa belar,
Bitta-bitta uzar barglarni,
Nafas olsak, kuz isi kelar!…
Аbdulla Pulatov
- Materiallar faqat shaxsiy maqsadlarda foydalanish uchun: Materiallardan tijorat maqsadlarida foydalanish, tarqatish qonun bilan taqiqlanadi.
- «Mualliflik xuquqi va turdosh xuquqlar to‘g‘risida» gi O‘zbekiston Respublikasi Qonuni: № 42 son, 20 iyun. 2006 yil.
© MUALLIF
